K'Cho University Kyawng kai khmaw gui ah ngtung nglam nak

Mindat mang go  Kcho University kyawng kai ci gui naw 22/11/2019 ung kyawng kai tu khai gui ah na khmaw gui ami kha shaw pui gui nak la ami ngui ami shui lei tu nak ka ngtun lam neh poi pi ci gui. A shin ah poi ami bi nak ung Mindat mang go ung om ci gui ah Nupa ngvai gui ni khmaw kthoi gui ami van kyum päng neh hteh tu ci gui.

Shin ah Kcho University kyawng kai khmaw gui naw ami bi nak läi cuh tu shi kum len neh ami bi lawh ah kya ci. A ktun pi ah kyawng kai khmaw gui naw kyawn ami kai tu htüt ya ung kä nghlaw hleh ami theh thon tu gui ah mawng gui mdang neh tumat naw tumat i law kcha chü phawng tu ba vai la tumat la tumat a i ah gung tu neh om kih vai ci ah a mawng gui ami mdang nak ka kya ci.

Add new comment

9 + 9 =