Khawm'dek m'htei vai ah mong.

Shing-ghüng m'tai geit go neh khaw m'dek k'pei-ng'leng m'htei neh bi loh nak (pastoral ecopedagogy) cuh Indonisia ghuin khaw, Flores khaw ung om ca (St.Francis of Assisi parish) bawiphaya (Father Wilibrodus Andreas Bisa, OFM) no khong-bang neh tün pong neh bik ca kyak ci.
Bä ca Christian pa-hta k'chang tumat no k'khanpughi no a tüi-pyan gui ah shing ghüng go-pai, k'haw m'dek k'pei-ng'leng cuh m'htei vai hlü ci ciah bawiphaya no pyein ci.
Pa-hta k'chang gui ni, kyong kai ca a k'hmo gui on tui, khaw-chi, shing-ghüng m'tai, k'phu-k'ha k'chi-hla, a hngu-k'güng gui lah khaw-m'dek k'pei-ng'leng a di dam ah mong gui ni, i lah hok cha ah a mi m'htei vai ah among gui (pasptoral ecology) cuh kyong-im ung phih m'thei m'thang gui vai hlü ci ciah bawi phaya Father Wilibrodus Andreas Bisa n pyein ci.
A cun ah ng'thei ng'thang hlu ah k'khangpughi no a tüi pyan gui a van tumat lah tumat i la hok cha ah a ng'ching-awng gui cun phih mi hngu-hmat lo hing ca kyak ci ciah pyain ci.
A shin cuh Catholic a Htin-taw no a na m'thei m'thang nak gui ah (The Encyclical Spirit of Laudato Si) on na ng'chum lo ba ca bi loh ah kyak ci ciah Bawiphaya Father Wilibrodus Andreas Bisa, OFM no pyein ci.
Bawiphaya no a shih nah a bi loh hlu ah lai bik ci gui (farmers) on a htin-taw ah bi loh on m'cum neh k'hnga k'phlang gui neh gung tot tu gui ca kyak ci caih pyei ci.
A k'tung pi ah, a shin ah bi loh m'thei m'thang nak gui ung (the Catholic Church's encyclical, Laudato Si) no hnguh hmat nak gui ung a kya ah lam na m'shüm gui ca kyak ci ciah pyein ci.
A shin nah bi loh nak no (alter) ung ka no k'khanpughi ah ng'thu k'ni pyein k'hlak nak lah k'chang gui ah ng'bi k'loh nak cuh m'chum hlak ca kyak ci ciah pyein ci.
https://bit.ly/3gFJEKT

Add new comment

10 + 4 =