Mindat ung World Human Rights Day ami bi nak

Mindat K'om Gui ah ng'hta ko nak

December k'cha 10/12/2020 ung Mindat ung om neh bi lo ci gui ah NGO/INGO ung ka gui naw World Human Rights Day bi ci gui. Cun ah ami bi lawh ng'hta ng'ko nak ung K'cho khaw ka vai ah a i gui a k'tung pi ah bi lawh vai om ci gui ah amwng lah K'hnumi gui ah gah tang bi lawh kin gui mä a i gui om ci ma ci ah amawng gui ng'tha khaw neh pyein hlak ci gui. Cun ah ami ng'hta ng'ko nak gui ung Saya mah Om Khaw Tü, Saya Mä Om, Saya Bawi Len Mang, Saya Ng'htang Ling lah Saya Ng'htang K'khe Saya mah Kyin Win Yee k'chang shin k'chuk cuh ng'ge ng'shaw neh ng' tha khaw ci gui. 

 A k'tung pi ah ami pyein gui cuh K'chang tumat ah kya law ung a i gui gah kin lah a i ah om kya vai ci ah amawng gui lah Acoyah naw a i ah a k'chang gui ka vai bi a bi khin lah a bi lawh vai gui ah amawng gui pyein ci gui. 

 

Add new comment

6 + 6 =