Shing ghüng k'pyo gui geit go ci gui.

India ghuin khaw ung om ca Catohlic a htin-taw ng'bum ung ah pa-hta k'chang gui no "sapling planting drive program" ciah shing ghüng k'pyo gui geit go vai ah täng pang neh bi loh ci gui ah kyak ci.
East Godavari khaw, (Rajamahendravaram of Archdiocese of Visakhapatnam) ung om ca Holy Redeemer Church ung ka gui no khong bang u hleih mi om nak ah khaw m'dek m'htei vai ah bi loh vai ah htä hla nak gui cuh bik ci gui ah kyak ci.
A cun ah a mi bi loh nak ung bawiphaya B Manoj Kumar (parish priest) no khaong bang hleih pa-hta k'chang gui k'chih-kyip-lei-k'hma (75) no shing ghüng k'pyo gui geit go ci gui ah kyak ci.
"Khaw m'dek k'pei ng'leng ciah (Nature) cuh kyom tang ca k'khanpughi ah tüi pyan ah kya hleih mik mi k'chang gui no mi m'htei vai hlá ci" ciah Bawiphaya no pyein ci.
A cun ah shing ghüng gui a mi geit go nak ah parish ung cuh pa-hta k'chang (1200) ghep lok ci gui ah kyak ci. A cun ah parish ung om ca pariah cuh (1902) kum ung a mi coh ciah pyain ci gui.