Thaw-pat amawng ng'shi k'ca nak

Mindat manggaw ung Thaw-pat k'hteih i ah k'bih vai ci ah amawng gui Pa Hman Tun Gei naw na m'thein tu gui ci. Thaw-pat k'theih a gham  law ung a ng'leng ma neh m'ung law ci. Thaw-pat k'theih a gham law ung a k'kit kä hlät khai ah k'khim on ah pit vai. Khim on ah pit yah ung a k'kit 2mm om ba khai ah a vai. A k'kit a hlät ung a shäng hta thuk ci. Ei law vai ung k'baw yah ung a ui kä hlit khai ah k'baw vai cun kawn ah a ui k'khim on a pi ah ak neh k'hläh vai. Thaw-pat k'theih kä ng'gheh neh kä leim en neh a kya ung a khaw hei a yawi tuk vai ah ng'lhawi tu ba ci. 

 Thaw-pat k'ni ci cuh a pung ah kä ng'ghet en neh a ng'mi vai. A kyaom vai.A khaw hei ah yawih vai ah a kya ung a k'pung a hnawh a shah vai ci neh Pa Hman Tun Gei naw pyein ci.