Tuilawng yung ah k'chu that neh ngá ami shui nak

 Tuchü cuh mi k'cho khaw ung van naw tui yung htet neh ngá shui nak ah kya ci. Tuiyung ah van naw ngá k'ái lah kikawng ni k'u cuh shui lei neh ei awk ci gui ah kya ci. Ayá ung pugipa gui ami om yah ung tui lawng yung ah ngá k'ai dá man te ci tuhchü kä om law ba ci. A i ah kya hlei ci ung van naw ng'vai vawh pung m'kek lah shawk ami k'tuh ah phäh ah kya ci. Ngá pha nak gui ung k'cho gui naw a k'tung pi ah mi bi cuh k'pyá hlak nak lah k'chu thah nak ah kya ci. 

 A ya ung ah hlaw ah mi tuilawng yung ah ngá kä om law ba neh kä da law ba hlei mi vai naw mi m'htei vai khin law ci. A tung pi ah tui ung om ci ah ngá gui ami m'tui yah ung kä pha en neh m'htei vai ah kya ci. Ngá a m'tui yah ung mi nawng ung vah pung khei law ba neh da law ba khai ah kya ci.