Typhone kaw-chi k'gai no a ploh gui.

Philipines ghuin khaw ung Novenver k'cha ak'htük k'hngüp ung Typhone khaw-chi k'gai no a m'di-m'dap gui, a ploh-cheih gui ah k'chang gui cuh a van no ng'lung na neh gung-tot tu gui vai hlü ci ciah Philipines ghuin khaw ung kah Caritas ng'bum noh pyein ciah kyak ci.

A cun nah Typhone khaw-chi k'gai ah phäh ah a k'kyen pi ah k'chang (20) shi neh a mi k'pyu-im gui (13000) cuh di-dam ciah kyak ci. A cun nah kya hleih nga-mi gui ah a mi ei awt vai ni, a  mi hlui-hlak vai ni lah a mi om ih nak vai gui cuh gung-tot tu gui vai hlü ciah kyak ci.

(390000) ah daa tu ba ciah k'chang gui cuh a mi om nak vai im kä om ciah kyak ci. (347000) ghep lok ciah k'chang gui cuh a ng'hlawi ah a mi m'om gui cang ah kyak ci. Cun bäng ah kä kya hleih a mi ng'geit-ko nak gui cun phih di-dam ciah kyak ci. Nga-mi gui ka vai ah a van no mi k'tai-güi tu pe gui ko.