A-gha-le-cheit nak kyün khngüp

Khawh-tang-ah ng’um ng’tak ci-ah k’chàng.

 K’Chàng gùi-ung-kah tumat nawh Báwi-àm piéin lo neh “Báwi-aw, ka phäí nawh khawh-tang a na k’pai tu vai-ah na piéin tu péit-ä,” ci ci. 14 Ani-àm, Báwi nawh piéin neh “Nang k’chàng, a u nawh kei zùng Báwi lah khawh-tang k’pai khai-ah na k’hmóh hleih-ang?” 15 Cun kon-ah ngamí-àm piéin neh “Ng’Um ng’taknák phùng, m’htéi neh ng’ngaih na vä. A i-ah kia hleih ci-ung, k’chàng-ah hngùn cuh khawh-tang a k’dá-a phäh-ah kä kia ci.

16 M’Tu m’täng neh a piéin lo cuh, “Ng’Büh ng’mãng ci nawh a lo-ah géit a kia-ah m’hlèp neh, 17 a m’lùng-’kiòng-ah      ng’ngaih-tüh neh a piéin cuh, a i-ah mä ka ci kò? Géit kó htinnák vai kä om ci. 18 Si-chà-ah ka ci khai. Ka ’chei phie neh däm tu bà ci, co nehtah dá lo ci lah om ci phùng-ah khawh-tang gùi ka htín khai. 19 Ka m’chà-àm ka piéin lo  vai cuh, “Nang m’chà, kum a k’dá-ung ng’büh khai-ah khawh-tang htin pi. Düm-ah om neh èi-aw neh zèi neh om-ä, ka ci khai,” ci ci.              20 Khãnpùghí nawh ani- àm piéin lo neh “k’chàng k’líng-aw, tuh-mü mät na m’chà la bà khai gùi, nang ung-kah, na m’hlèh gùi phùng, a u kavai-ah néi a kia kò?” ci ci.  21 Ng’Büh-ng’mãng neh Khãnpùghí-ah mà-ah kä ng’büh ng’mãng ci-ung, a cun-a hlo-ah kia khai.