A ku-lei-ko nak kyün k'hngüp ng'neng

Hlu-ki lah Hmei-nu among

 Kä dàwh-hngeh kä ng’düm-èin neh ami k’tài-gü vai, hlü ci-ah màwng cuh m’tu m’täng neh a piéin cuh, 2 ‘Pìgò tumat-ung, Khãnpùghí phih kä kiüh, k’chàng phih kä tä m’gün ci-ah hlu-ki tumat om ci.            3 Cun-ah pìgò-ung-kah, hmeinú tumat cuh, ani-ah lo neh, “Ka gà, phù na sui tu péit-ä,” ci neh ng’hui na hleih kä ci tu péit-ah a k’sõ om ci. 4 Cun kon-ah a m’lung ’kiong-ah ng’ngaih-tüh neh, “Kei, Khãnpùghí phih kä ka kiüh ci. K’Chàng phih kä ka tä tu pang-a phih, 5 Sin-ah hmeinú nawh na hmóng cáng hleih a gà-ah ’khãn-ah phù ka sùi khai. Kä cun-ung, ani nawh a k’hngú-ah lo neh ka hmai-ung na k’beh lo khai.     6 Báwi nawh piéin neh, “Vüng-vá ci-ah hlu ki nawh a i-ah a piéin cuh, m’hteih vä.         7 Mü k’hngüp a chü gùi-ah ng’chü cuh kä m’cha m’làng péit gùi zät-ah, Khãnpùghí cuh, om khai ang? 8 Nang -mí-àm ka piéin cuh, “Ngami täng-ah m’zi m’zät neh m’cha m’làng tu khai. K’Chàng-a htá lo bà neh mä, m’dek ’khãn-ah, zùmnák hnguh khai-ah nami ng’ngài ci-ang?”