Mindat tui m'ghawng gui ah mawng

  Khaw htui khaw ung khaw á law ba neh Mindat lam k'cawk gui ung tui long law hlei manggo k'om gui ah ami om ih nak gui lah ami hteh thon nak gui didam law ci ah kya ci. Shin ah tui m'ghawng gui ka vai ah acoyah naw abi loh gui om tu pang lang hlei phi avan ung ka mi bi hlawt ah phäh ah khaw k'á tui gui cuh van ah hteh hton nak ung lawng ciah kya ci. Acun ah tui lawng law hlei Mindat manggo k'om k'cho k'chang gui naw ng'ä ng'cä nak om ci nei ci neh phi pyein ci gui. A cang ah shin ah lam k'cawh gui ung ka tui m'ghawng gui a k'ni ah kä pyan ung pigo manggo lüng cuh di mah nging ci nei ci neh phi pyein ci gui. 

 Mindat manggo k'kyaong ung lam k'cawh gui a m'shah ung tui ah lawng nak vai ah acoyah naw pyang ci te avan ung kä pyang pha ci gui ah kya ci.